கல்கிதான் முகமது

ஸ்ரீ ஷங்கர நாராயணணின் வலைப்பதிவில் கேட்டிருந்த கேள்விக்கு (http://sankarmanicka.blogspot.com/2006/06/blog-post_11.html) என் பதில். மற்றவருடைய கேள்விகளும் கருத்துக்களும் >>>> <<<< என்ற குறியீடுகளுக்கிடையில் கொடுக்கப்பட்டுள்ளது.

ஷங்கர்,


>>>> புத்தர் கூட விஷ்ணுவின் அவதாரங்களில் ஒன்று <<<<

"மதம்" என்னும் வார்த்தை பற்றி பெரும்பாலோனோர் செய்யும் தவறான புரிதலைத்தான் நீங்களும் செய்திருக்கிறீர்கள். இதை இந்திய கலாச்சாரத்தின் அடிப்படையில்தான் புரிந்து கொள்ளவேண்டும். ஆபிரகாமிய மதங்களின் அடிப்படயிலல்ல. இங்கே மதம் என்பது ஒரு பிரிவு, உண்மையைத் தேடும் ஒரு வழிமுறை. இயற்பியலுக்கு வேதியியல் போல. எதிரான, அழிக்கப்படவேண்டிய குழுவல்ல.

சித்தார்த்தர் ஒரு ஹிந்து. அவர் திருத்திய மக்களும் ஹிந்துக்களே. அவரை பின்பற்றுபவர்களின் எண்ணிக்கை அதிகமானதால் அது ஒரு தனி மதமாகிவிட்டது. சைவ மதம், வைஷ்ணவ மதம், ஸௌர மதங்கள் போல அதுவும் ஒரு மதம். தங்களோடு பிறந்த ஒரு ஞானியை விஷ்ணுவாக வழிபடுவது ஒரு இயல்பான விஷயம்.

இந்த நிகழுவுக்கு எதிரிடையான விஷயத்தையும் ஹிந்துக்களால் ஏற்றுக்கொள்ள முடியும். உதாரணமாக அங்கோர்வாட் கோவில் (உலகிலேயே மிகப்பெரிய ஹிந்து கோயில்) ஹிந்து அரசர்களால் கட்டப்பட்டது. புத்த மதம் பரவியபோது விஷ்ணு, சிவ விக்கிரகங்களோடு புத்தருடைய விக்கிரகங்களும் வழிபடப்பட்டன. ஒன்றை ஒன்று காம்ப்ளிமென்ட்தான் செய்துகொண்டன. இதன் விளைவு மதங்களுக்கு இடையே எந்தவிதமான திட்டவட்ட இடைவெளியும் இல்லாமல் போனது. இது இந்த நிலத்தில் இதுவரை இருந்துவரும் மதங்கள் அனைத்திற்கும் (ஆபிரகாமிய மதங்களைத் தவிர்த்து) பொருந்தும். விளைவு. தந்தை துர்க்கையின் உபாஸகர். தாய் புத்தமத நெறியாளர். பிள்ளை வீர சைவன்.

இந்த சூழ்நிலை இல்லாத, அல்லது வேறு மதங்கள் அதிகம் இல்லாத இடங்களுக்குப் பரவிய புத்த மதம் அங்கே தன்னுடைய திட்டவட்ட எல்லையை உறுதியாக நிலை நிறுத்திக் கொண்டது. அதனாலேயே, புத்த மதம் இந்தியாவில் அழிந்துவிட்டது என்றும், மற்ற நாடுகளில் மட்டும் அது வாழ்வது போன்றதுமான தோற்றம். உண்மையில் தற்காலத்தில் ஹிந்து மதங்கள் பின்பற்றிவரும் பல வழிபாட்டு முறைகள், சடங்குகள், நம்பிக்கைகள் எல்லாம் புத்த, ஜைன மதப் பழக்கங்களே (உதாரணமாக விக்கிரக வழிபாடு).

>>>> கல்கி தான் முகமது என சொல்லுபவர்கள் கல்கி கோயிலுக்கு போக தயாரா<<<<

நல்ல கேள்வி. ஷிர்டி பாபா அல்லாவின் புகழை ஓதியவர்தான். ஆனால் அவரை மரியாதை செய்பவர்கள் ஹிந்துக்கள் மட்டும்தான்.

வேறொன்றும் ஞாபகம் வருகிறது.

இந்திய தொலைக்காட்சிகளில் தரமான ப்ரோக்ராம் கொடுப்பது தூர்தர்ஷன் என்பதால் அதை விரும்பி பார்ப்பதுண்டு. தூர்தர்ஷனில் (பொதிகை) இரவு 11.30 மணியளவில் தொடராக வரும் ஒரு ப்ரோக்ராமை பல நாட்களுக்கு முன்னால் பார்த்தேன். அந்த ப்ரோக்ராமின் பெயர் மத நல்லிணக்கம். அந்த கலந்துரையாடலை நடத்துபவர் ஒரு முஸ்லீம். அடடே மத நல்லிணக்கம் பற்றி ஒரு இஸ்லாமியர் வெளிப்படையாக பேசுகிறாரே, பார்க்கலாம் என்று முடிவு செய்து பார்க்க ஆரம்பித்தேன். விருந்தினர் ஒரு புத்த மதத் துறவியார். அவருடைய பேச்சிலிருந்தே ஸம்ஸ்க்ருத, பாலி மொழிகளில் புலமை வாய்ந்தவர் என்பதும், நன்கு கற்றறிந்தவர் என்பதும் தெரிந்தது. அப்போது அந்த பேட்டியாளர் கேட்ட கேள்விகளும், அதற்கான பதில்களும் (என் நினைவிலிருந்து):

புத்த மதத்தில் சித்தார்த்த புத்தருக்குப் பின் போதிசத்துவர் தோன்றுவார் என்றும் அவர் மக்களை வழிநடத்துவார் என்ற கருத்து உள்ளதே?

ஆம்.

இதை நீங்கள் நம்பிக்கையின் அடிப்படையில் பார்க்கிறீர்களா, அல்லது வரலாற்றின் அடிப்படையிலிருந்து பார்க்கிறீர்களா?

ஒரு விஷயம் நம்பிக்கையா, வரலாறா என்பது பற்றி ஆராய்வதைவிட அது புத்த மத வழிகாட்டலின்படியான ஆன்மீக அனுபவங்களுக்கு எந்த அளவு பொருந்தியிருக்கிறது என்றே என்போன்றவர்கள் பார்க்க வேண்டும். அப்படியே நாங்கள் பார்க்கிறோம்.

ஆ ஆ, சரி. ஆனா இந்த போதிசத்துவர் இருக்காருல்ல. இவர் வந்து ஆசியாவில்தான் தோன்றுவார் என்று கூறப்படுகிறதே. அது பற்றிய தங்கள் கருத்து என்ன?

ஆசியா என்று கூறுவதைவிட, பரத கண்டத்தில் தோன்றுவார் என்பதே நம்பிக்கை.

பரத கண்டம். ஆங்க். பரத கண்டம். அதாவது பாரத நாட்டுக்கு பக்கத்தில் இருக்கக் கூடிய ஆசிய கண்டத்தை சேர்ந்த நாட்டில் தோன்றுவார் என்கிறீர்கள்.

(துறவி தாம்தான் ஏதேனும் தவறுதலாகக் கூறிவிட்டோமோ என்ற குழப்பமான பாவனை சிந்தும் முகத்துடன்) இல்லையே. பரத கண்டம் என்றுதான் கூறியிருக்கிறது.

ஆஆங்க். அதைத்தான் நானும் சொல்லுகிறேன். அதாவது பரத கண்டம் என்பது இந்தியாவிலிருந்து, அரேபிய கண்டம்வரை பரந்திருக்கும் இடந்தானே. அங்கே ஒரு இறைத் தூதர் வந்து மக்களை வழி நடத்துவதை நாம் அறிவோமே. அவரையே போதிசத்துவர் என்று புனித நூல்கள் குறிப்பிடுகின்றன. அப்படித்தானே?

(கேள்வியின் போக்கை புரிந்து கொட்டுவிட்ட துறவிக்கு சிரிப்பு வந்து விடுகிறது. கூடவே இந்த இடத்தில் வந்து மாட்டிக் கொண்டு விட்டொமே என்கிற சங்கடமும்) இல்லை ஐயா. பரத கண்டம் என்பது அக்காலத்தில் நாவலந் தீவு என்று அழைக்கப்பட்டது. அதாவது நாவல் மரங்கள் எங்கெல்லாம் விளைகிறதோ அதுவரை இருப்பது பரத கண்டம். எனவே அந்த வகையில் பரத கண்டம் என்று அழைக்கப்படும் நிலத்தில் போதிசத்துவர் தோன்றுவார் என்கிற நம்பிக்கையை பௌத்தர்கள் மனத்தில் கொண்டிருக்கிறார்கள்.

பேட்டியாளர் எதோ முணு முணுக்கிறார். பின்னர், அதாவதுங்க அரேபியவிலயும் இந்த பேரிச்சை மாதிரியான மரங்கள் எல்லாம் வளருதுங்க. அப்ப ஒரு காலத்தில அங்கே நாவல் மரம் மட்டும் இருந்திருக்காதுன்னு சொல்ல முடியுங்களா? இந்த தீர்க்கதரிசனம் சொல்லப்பட்ட காலத்தில அங்க நாவல் மரம் இருந்திருக்கலாமே?

(துறவியின் முகம் பேஸ்த் அடித்தாற்போல் எனக்குத் தோன்றியது.)

நாம் நமது பெரியோர்கள் கண்டுணர்ந்ததுபற்றி மட்டும்தானே சொல்ல முடியும்.

இதற்குப் பின்னால் துறவியின் பதில்கள் பெரும்பாலும், அப்படியா (5 முறை), நீங்கள் கூறுவது புதுமையாக இருக்கிறது (2 முறை), புத்த மதக் கருத்துக்கள் இப்படி சொல்லுவதாக எனக்குத் தெரியவில்லை (8 முறை) என்கிற வகையில் அமைந்தன. மற்ற கேள்விகளுக்கெல்லாம் ஆஹாம், அடடே, ம் ம், என்கிற வகையில் பதில்கள்.

இதற்கிடையில் என் மருமாள் தூக்கத்திலிருந்து எழுந்து, மாமா! எப்பப் பாத்தாலும் ஒரே ஹீரோ, அந்த ஹீரோவுக்கு ஒரே ஒரு ஃப்ரெண்ட், அவங்க சொன்ன பேச்சை கேட்டு மக்கள் அரக்கர்களை கொல்றா, இத விட்டா சொல்றதுக்கு வேற கதையே ஓங்ககிட்ட இல்லையா. வேற கதை சொல்லுங்கோ மாமா என்றாள். குழந்தைகளுக்குகூட ஒரே மாதிரியான கதைகள் போரடித்துவிடுகின்றன.

அந்த ப்ரோக்ராம் பார்த்த விளைவில் "பேசாமல் போய் தூங்கிறியா. இல்லைன்ன ஒன்னை ரெண்டு கண்ணண் பிடிச்சிண்டு போய்டுவான்" என்று சொன்னேன்.

(அந்த ப்ரோக்ராமை முடிந்தால் பாருங்கள். மத நல்லிணக்கத்திற்காக நடந்துவரும் அந்த ப்ரோக்ராமை தயாரித்த, ஒளிபரப்பிய, தொகுத்த, வாகனமோட்டிய, லைட்பாய் - அனைவருடைய பெயரையும் அந்த ப்ரோக்ராம் முடிவில் காட்டுவார்கள். எல்லாருமே முஸ்லீம்கள், முஸ்லீம்கள், முஸ்லீம்கள் மட்டுமே. யா அல்லாஹ். நல்ல மதநல்லிணக்கம்!)